Marketdə dava: ata oğlunu döyən satıcının başına görün nə oyun açdı - VİDEO

Kocaelinin Körfəz rayonunda bir supermarketdə gərgin anlar yaşanıb.

Sonxeber.az türk mediasına istinadən xəbər verir ki, bir ata oğlunu döydüyünü iddia etdiyi market işçisinə hücum edib, dava böyüyərək qarşıdurmaya çevrilib. Hadisə anı təhlükəsizlik kameralarına düşüb.

Hadisə 8 noyabr saat 20:00 radələrində Mimar Sinan məhəlləsindəki Mehmet Akif Ersoy küçəsində yerləşən bir marketdə baş verib. K.M.B. adlı şəxs, oğlu E.O.B.-ni döydüyünü iddia etdiyi market əməkdaşı B.Ç.-ni yumruqlayaraq vurub. B.Ç. yerə yıxıldıqdan sonra K.M.B. və onun dostları O.Ç. və H.Ç. tərəfindən təpik zərbələri ilə döyülüb və marketdən çölə çıxarılıb.

Ətrafda olan vətəndaşların müdaxiləsi nəticəsində qarşıdurma sona çatdırılıb. Polis çağırıldıqdan sonra hadisə yerinə gələn əməkdaşlar K.M.B., O.Ç. və H.Ç.-ni saxlayıb.

K.M.B. polisə verdiyi ifadəsində bunları deyib:

"Oğlum marketə getmişdi. Market işçisi B.Ç. oğlumun belinə vurub, ‘Get atanı çağır, onu da döyərəm’ deyib. Oğlum bunu mənə deyəndə marketə getdim. Oğluma kimin vurduğunu soruşdum, B.Ç.-ni göstərdi. B.Ç.-yə ‘niyə uşağıma vurmusan?’ deyə soruşdum. O isə ‘mən vurmamışam’ dedi. Ancaq əsəbləşmişdim, üzünə yumruq vurdum. Başına da bir neçə zərbə endirdim. Məni görən dostlarım O.Ç. və H.Ç. də gəldi. Yerdə olan B.Ç.-ni 1-2 dəfə təpiklədim və bayıra çıxardım. Mən ondan şikayətçiyəm."

O.Ç. və H.Ç. isə ifadələrində davaya qarışmadıqlarını, sadəcə ayırmağa çalışdıqlarını bildirərək ittihamları rədd ediblər.

Hadisə anı marketin təhlükəsizlik kamerasına düşüb. Görüntülərdə B.Ç.-nin E.O.B.-nin boynundan tutaraq onunla danışdığı, az sonra atasının – K.M.B.-nin – marketə girərək B.Ç.-ni yumruqladığı görünür. B.Ç. yerə yıxıldıqdan sonra K.M.B., O.Ç. və H.Ç. onu təpikləyib marketdən çıxarır. Daha sonra digər işçi M.P. əlində satırla hadisəyə qarışır.

Hadisə araşdırılır.

Telegramda izləyin