Yaşlı kişiləri sevgili olmaq vədi ilə aldadıb pullarını oğurlayan qadınlar saxlanılıb - VİDEO

Zonguldak vilayətinin Kilimli rayonunda 50 yaşdan yuxarı kişilərlə "yaxın münasibət qurmaq" vədi verərək onların kredit kartlarını ələ keçirən 3 nəfərlik dəstə polis tərəfindən yaxalanıb.

Sonxeber.az türk mediasına istinadən xəbər verir ki, onların bu yolla təxminən 1 milyon TL məbləğində dələduzluq etdikləri müəyyən olunub.

Kilimli Rayon Polis İdarəsi əməkdaşları tərəfindən aparılan araşdırma zamanı şübhəlilərin 50 yaşdan yuxarı kişiləri aldatdıqları, kredit kartlarını ələ keçirərək pullarını mənimsədikləri müəyyən edilib.

İki ay davam edən texniki və fiziki izləmə nəticəsində, həmçinin 80 iş yeri və bankomat kamerasının görüntüləri araşdırılaraq şübhəlilərin kimliyi müəyyənləşdirilib. Daha sonra keçirilən əməliyyatla Y.G. (30 yaş), M.E. (18 yaş) və A.Y. (36 yaş) adlı şəxslər saxlanılıb.

Polis idarəsindəki istintaqdan sonra 3 şübhəli məhkəməyə çıxarılıb və "oğurluq" və "kredit kartlarından sui-istifadə" maddələri ilə həbs olunublar.

Telegramda izləyin