19 yaşlı qız atasını bıçaqlayıb

Samsunun İlkadım rayonunda 19 yaşlı universitet tələbəsi, atasının ailə üzvlərinə hücum etdiyini iddia edərək onu bıçaqlayıb.

Sonxeber.az türk mediasına istinadən xəbər verir ki, hadisə Hançerli məhəlləsində dünən gecə baş verib. İddialara görə, A.S. gec saatlarda sərxoş halda evə gəlib və evdə də alkoqol qəbul etməyə davam edib. Onu sakitləşdirməyə çalışan həyat yoldaşı H.S. buna nail ola bilməyib. Daha sonra A.S. oğlu D.S.-nin otağına gedib. Atasının qışqırığı ilə oyanan D.S. ilə ata arasında mübahisə yaranıb. A.S.-nin oğluna yumruqla hücum etməsi nəticəsində D.S. qarşılıq verib, araya ana və digər bacı-qardaşlar girib.

A.S.-nin həyat yoldaşı və qızlarına da hücum etməsi vəziyyəti daha da gərginləşdirib. Bu zaman hadisəyə müdaxilə edən 19 yaşlı H.S. atasını kürək nahiyəsindən bıçaqlayıb. Ağır yaralanan A.S. Samsun Təhsil və Tədqiqat Xəstəxanasına çatdırılıb.

Polis tərəfindən saxlanılan gənc qız bu gün Samsun Ədliyyəsinə gətirilib.

Prokurorluğun həbs tələbi ilə məhkəməyə göndərilən H.S. barəsində hakim adli nəzarət şərti ilə sərbəst buraxılma qərarı verib.

Telegramda izləyin