Küçədə ukraynalı qadına hücum edib döyən şəxs saxlanıldı - VİDEO

Antalyanın Alanya rayonunun Cikcilli məhəlləsində ukraynalı qadına edilən qəddar hücum təhlükəsizlik kameralarına yansıyıb.

Sonxeber.az türk mediasına istinadən xəbər verir ki, hadisə bir neçə gün əvvəl Azakoğlu küçəsində baş verib.

İddialara görə, yolda piyada hərəkət edən Ukrayna vətəndaşı A.H. qarşısına çıxan A.T. adlı kişi ilə üz-üzə gəlib. Naməlum səbəbdən A.T. qadına əvvəlcə yumruqla zərbə endirib, daha sonra əlindəki sərt cisimlə onun üzünü cızıb.

Hücumdan sonra şübhəli hadisə yerindən qaçaraq gizlənib. Yaralanan qadının üzünə tikiş qoyulub və onun sağlamlıq vəziyyətinin yaxşı olduğu açıqlanıb.

Polis əməkdaşları təhlükəsizlik kamerası görüntüləri əsasında şübhəlinin A.T. olduğunu müəyyən edib və onu qısa zamanda saxlayaraq nəzarətə alıb. Hücum anı isə yaxınlıqdakı bir binanın təhlükəsizlik kamerası tərəfindən qeydə alınıb.

Telegramda izləyin