Kişi arvadı ilə münasibəti olduğunu iddia etdiyi şəxsi dəfələrlə bıçaqlayıb - VİDEO

Kocaelinin Körfez rayonunda baş verən hadisə böyük təşviş yaradıb.

Sonxeber.az türk mediasına istinadən xəbər verir ki, bir kişi, həyat yoldaşı ilə əlaqəsi olduğunu iddia etdiyi adamı avtomobildə oturduğu anda dəfələrlə bıçaqlayıb.

Hadisə saat 18:30 radələrində Güney məhəlləsi, Tuğrul küçəsində qeydə alınıb. İddialara görə, Burak E. adlı şəxs, arvadı ilə münasibəti olduğunu düşündüyü Ercan K.-ya yaxınlaşaraq, onun park halında olan avtomobilin sürücü oturacağında oturduğu vaxt ard-arda bıçaq zərbələri endirib.

Ağır yaralanan Ercan K. qan içində avtomobili ilə hadisə yerindən qaçmağa çalışsa da, təxminən 500 metr irəlilədikdən sonra park edilmiş yüngül kommersiya maşınına çırpılaraq dayana bilib. Əraziyə çağırılan təcili tibbi yardım və polis əməkdaşları yaralıya ilk müdahaləni ediblər. Ercan K. ağır vəziyyətdə xəstəxanaya çatdırılıb.

ABŞ-da çalışdığı və bir müddət əvvəl Türkiyəyə gəldiyi öyrənilən Burak E. hadisə yerindən qaçıb. Polis şübhəlinin saxlanılması üçün əməliyyatlara başlayıb.

Hadisənin baş verdiyi anlar ətrafdakıların mobil telefonları ilə çəkilərək sosial mediaya yayılıb.

Telegramda izləyin