Ailəsi ilə mübahisə edən gənc intihara cəhd edib - VİDEO

İstanbulun Sultangazi rayonunda ailəsi ilə mübahisə edən bir kişi evinin balkonuna çıxaraq özünü atmağa cəhd edib.

Sonxeber.az türk mediasına istinadən xəbər verir ki, hadisə saat 17:45 radələrində 50. Yıl məhəlləsində baş verib. Məlumata görə, ailəsi ilə mübahisə edən şəxs əsəbiləşərək balkona çıxıb və özünü atmaq istədiyini bildirib. Balkondan sallanan kişini görən sakinlər həyəcan içində ona səsləniblər. Bir nəfərin "Düşəcəksən!" xəbərdarlığına qarşılıq olaraq o, "Sənə nə? Canı verən Allahdır, alan da Allah" deyə cavab verib.

Əlindən yaralı olduğu görünən şəxs, "Yetər, bezmişəm bu həyatdan" sözləri ilə öz narazılığını ifadə edib. Daha sonra evdə olan bir ailə üzvünün onu inandırması nəticəsində kişi təhlükəsiz şəkildə balkondan endirilib.

Hadisə anı yaxınlıqdakı sakinlər tərəfindən mobil telefonla çəkilərək sosial mediada paylaşılıb.

Telegramda izləyin