Ağrısının səbəbini böyrək daşı zənn edirdi, 9 aylıq hamilə imiş!

ABŞ-da yaşayan bir qadın, şiddətli ağrı səbəbilə xəstəxanaya müraciət etdikdən sonra gözlənilməz şəkildə doğuş edib.

Sonxeber.az xarici mediaya istinadən xəbər verir ki, qadın ağrıların böyrək daşından qaynaqlandığını düşünürdü. Lakin həkimlər onun əslində 38–40 həftəlik hamilə olduğunu müəyyən ediblər. Körpə 3 kilo 400 qram çəkidə sağlam şəkildə dünyaya gəlib.

Rebecca yaşadıqlarını belə təsvir edib:

"Ərimə deyirdim ki, bu ağrı indiyə qədər keçirdiyim bütün doğuş sancılarından daha pisdir. O qədər yüksək səslə qışqırırdım ki…"

Şiddətli bel ağrısı və tez-tez sidiyə çıxma hissi səbəbilə həm Rebecca, həm də tibb bacıları ağrının böyrək daşından qaynaqlandığını zənn ediblər.

Muayinə üçün xüsusi otağa aparılan qadın, qəfil beldən aşağı islandığını hiss edib və bunun nəzarətsiz sidik olduğunu düşünüb. Tualetə getmək üçün ayağa qalxmağa çalışarkən, yatağın yanındakı komodinin üzərinə oturub və həmin an doğuşun başladığını anlayıb.

Ailənin Carlee Evangeline adını verdiyi sürpriz körpə sağlam şəkildə dünyaya gəlib.

Həkimlər qadının tam müddətli, yəni 38–40 həftəlik hamilə olduğunu təsdiqləyiblər.

Telegramda izləyin