Həvəskar liqa oyunu yarımçıq qaldı – azarkeşlər meydançaya girərək futbolçulara hücum etdi

Edirne 1.Həvəskar Liqasında keçirilən 2-ci tur qarşılaşması meydana çıxan qalmaqal səbəbilə yarımçıq dayandırılıb.

Sonxeber.az türk mediasına istinadən xəbər verir ki, Keşan İdman Yurdu ilə Kirişhanespor arasındakı oyunun 60-cı dəqiqəsində futbolçular arasında gərginlik yaranıb. Həmin an Keşan İdman Yurdu 4:2 hesabı ilə üstünlüyünü qoruyurdu.

Meydançada başlayan mübahisə qısa müddətdə böyüyərək tribunadakı bəzi azarkeşlərin də reaksiyasına səbəb olub. Bir qrup azarkeş meydançaya daxil olaraq rəqib komandanın oyunçularına hücum etməyə cəhd edib.

Təhlükəsizlik qüvvələrinin sürətli müdaxiləsi nəticəsində vəziyyət nəzarət altına alınıb. Hadisələrin böyüməsi səbəbilə hakimlər briqadası təhlükəsizlik məqsədi ilə qarşılaşmanı təmamilə təxirə salmaq qərarı verib.

Matçın taleyi və texniki nəticənin necə olacağı yaxın günlərdə Edirne Həvəskar İdman Klubları Federasiyası tərəfindən açıqlanacaq.

Telegramda izləyin