Ağrısının səbəbini böyrək daşı sandı, həqiqət isə tamam fərqli çıxdı

Təhsil müəssisələrindən birində müəllim olan və 1 və 9 yaşlarında iki qız övladı anası Rebecca Johnson 9 sentyabr səhəri dözülməz bel ağrısı ilə oyanıb.

Sonxeber.az xarici mediaya istinadən xəbər verir ki, ağrının böyrək daşından qaynaqlandığını düşünərək əvvəlcə buna önəm verməyən Rebecca, ağrıların şiddətlənməsindən sonra xəstəxanaya müraciət edib.

Johnson yaşadığı ağrını belə təsvir edib: "Həyat yoldaşıma bunun indiyə qədər keçirdiyim bütün doğum sancılarından daha pis olduğunu deyirdim. O qədər yüksək səslə qışqırırdım ki…".

Güclü bel ağrısı və tez-tez sidiyə çıxma hissi həm onun, həm də tibb bacılarının ağrının səbəbinin böyrək daşı olduğundan şübhələnməsinə səbəb olub.

Müayinə üçün xüsusi otağa aparılan Rebecca birdən beldən aşağısının islandığını hiss edib və bunu nəzarətsiz şəkildə gələn sidik zənn edib. Tualetə getmək üçün ayağa qalxmağa çalışarkən çarpayının yanındakı şkafın üzərinə oturub. Elə həmin anda onun hamilə olduğunu və doğum prosesinə başladığının üzə çıxıb.

Ailəsinin Carlee Evangeline adını verdiyi sürpriz körpə 3 kilo 400 qram çəki ilə sağlam şəkildə dünyaya gəlib. Həkimlər qadının 38–40 həftəlik hamilə olduğunu müəyyən ediblər.

Telegramda izləyin