Vitrin liftinin altında qalan işçi həyatını itirib

Ankarada baş verən faciəvi hadisə nəticəsində vitrin liftinin altında qalan işçi T.A. xəstəxanada həyatını itirib.

Sonxeber.az türk mediasına istinadən xəbər verir ki, hadisə Keçiören rayonunun Aşağı Eğlence məhəlləsində yerləşən bir qızıl dükanında baş verib.

Məlumata görə, T.A. dükanın vitrin liftində texniki baxım və təmir işləri apararkən liftin xalatı qırılıb və işçi onun altında qalıb. Hadisə şahidlərinin məlumatı əsasında əraziyə təcili yardım, xilasedici və polis qrupları cəlb olunub.

Xilasedicilərin uzunmüddətli səyləri nəticəsində sıxışdığı yerdən yaralı halda çıxarılan T.A. xəstəxanaya çatdırılıb. Həkimlərin bütün müdaxilələrinə baxmayaraq, işçinin həyatını xilas etmək mümkün olmayıb.

Hadisə ilə bağlı araşdırma başladılıb.

Telegramda izləyin