Məktəbliyə qarşı cinsi istismarda günahlandırılan şəxsə 12 il 14 ay həbs cəzası verildi

Mersinin Silifke rayonunda xidmətçi olaraq çalışdığı məktəbdə 14 yaşlı şagirdə cinsi istismar etməkdə ittiham edilən Ertan E. (58) məhkəmə tərəfindən toplam 12 il 14 ay həbs cəzasına məhkum edilib.

Sonxeber.az türk mediasına istinadən xəbər verir ki, Silifke 1-ci Ağır Cəza Məhkəməsində keçirilən iclasa ev dustaqlığı da daxil olmaqla məhkəmə nəzarəti altında olan təqsirləndirilən şəxs Ertan E. və zərərçəkmiş şagirdin vəkili qatılıb. Məhkəmədə həmçinin Ailə və Sosial Xidmətlər Nazirliyi, Mersin Barosu Uşaq Hüquqları Mərkəzi və Saadet Öğretmen Uşaq İstismarına Qarşı Mübarizə Dərnəyinin nümayəndələri də iştirak ediblər.

Müdafiəsində özünə böhtan atıldığını iddia edən Ertan E. ona yönəldilən ittihamları qəbul etməyib.

Vəkillərin çıxışlarını dinləyən məhkəmə heyəti təqsirləndirilən şəxsi "uşağın cinsi istismarı" maddəsi üzrə 12 il 6 ay, "müstəhcənlik" cinayətindən isə 8 ay olmaqla cəmi 12 il 14 ay həbs cəzasına məhkum edib və onun dərhal həbs edilməsinə qərar verib. Qərarda heç bir cəza endirimi tətbiq olunmayıb.

Xatırladaq ki, Silifkedəki bir orta məktəbdə xidmətçi olaraq çalışan Ertan E. barəsində 14 yaşlı şagirdə 16 aprel 2024-cü ildə cinsi istismar etdiyi iddiası ilə cinayət işi açılmışdı.

Telegramda izləyin