Xəstə bacısı üçün düzəltdirdiyi lift, 67 yaşlı qadının həyatına son qoydu

İzmirin Bayraklı rayonunda bir qadının xəstəliyi olan bacısı üçün binanın xarici səthinə quraşdırdığı yük lifti onun həyatına son qoyub.

Sonxeber.az türk mediasına istinadən xəbər verir ki, Gümüşpala məhəlləsinin 7036-cı küçəsində yerləşən 5 mərtəbəli binanın sonuncu mərtəbəsində yaşayan 67 yaşlı Fatma Ekin, bacısının pilləkənlərdən qalxmaqda çətinlik çəkməsi səbəbilə binanın çöl hissəsinə ətrafı açıq lift quraşdırmışdı.

Alış-verişdən qayıdan Ekin, liftdən istifadə edərək evinə qalxmaq istəyərkən 5-ci mərtəbədə tarazlığını itirərək yerə düşüb. Hadisə yerinə çağırılan təcili tibbi yardım və polis əməkdaşları qadının həyatını itirdiyini müəyyən ediblər.

Fatma Ekinin cəsədi müayinələrdən sonra incələnmə aparılması üçün İzmir Ədli Tibb İnstitutunun morquna aparılıb.

Hadisə ilə bağlı polis tərəfindən araşdırma başlanılıb.

Telegramda izləyin