18 il əvvəl yeni doğulmuş körpəsini öldürüb zibiliyə atan qadın görün kim imiş!

Kocaelinin İzmit rayonunda 18 il əvvəl yeni doğulmuş körpəsini öldürərək zibil konteynerinə atdığı iddia edilən Emine Nilay Özkanın inşaat sektorunda layihə və mali idarəetmə üzrə konsaltinq xidmətləri göstərən şirkətin sahibi olduğu məlum olub.

Sonxeber.az türk mediasına istinadən xəbər verir ki, hadisə 27 may 2007-ci ildə İzmitin Yahyakaptan məhəlləsində baş verib. Həmin gün zibil konteynerində yeni doğulmuş qız körpəsinin meyiti tapılıb. Körpə Kocaeli Böyükşəhər Bələdiyyəsinin Qəbiristanlıq İdarəsinə məxsus "Kimsəsizlər qəbiristanlığı"nda dəfn olunub. Otopsiya nəticəsində körpənin boynuna üç dəfə dolanan göbək cığırının yaratdığı boğulma səbəbilə öldüyü müəyyən edilsə də, cinayət uzun müddət "faili məlum olmayan" kimi qalıb.

Kocaeli Polisi Cinayət Axtarış Şöbəsinin əməkdaşları 8 ay əvvəl işi yenidən araşdırmağa başlayıb. Bağlanmış iş üzrə bütün şübhəlilər yenidən dindirilib, 2007-ci ildə toplanan bütün sübutlar təkrar incələnib. 8 ay davam edən araşdırma nəticəsində zibil konteynerində tapılan qutudakı barmaq izi Emine Nilay Özkanın barmaq izi ilə uyğun çıxıb.

Bundan sonra aparılan DNA analizi də analığı təsdiqləyib və Özkanın körpənin anası olduğu müəyyən edilib. O, Sakaryanın Sapanca rayonunda saxlanılaraq həbs edilib və dünən çıxarıldığı məhkəmə tərəfindən tutqlanıb.

Məlum olub ki, Emine Nilay Özkan inşaat sektorunda fəaliyyət göstərən şirkətə rəhbərlik etməklə yanaşı, müxtəlif qeyri-hökumət təşkilatları və dərnəklərdə də aktiv iştirak edib. Polisə verdiyi ifadədə həmin dövrdə tək yaşadığını, çoxlu alkoqol qəbul etdiyini, bir neçə kişi ilə nikahdankənar münasibətdə olduğunu, hansı əlaqədən hamilə qaldığını bilmədiyini deyib.

Hadisə günü ilə bağlı danışarkən isə qanama səbəbilə tualetə getdiyini, orada düşük etdiyini, qucağına aldığı körpənin nəfəs almadığını düşündüyünü bildirib. Qorxduğu üçün körpəni qutuya qoyaraq zibil konteynerinə atdığını, o vaxtdan bəri hadisənin ağırlığı ilə yaşadığını söyləyib.

Telegramda izləyin