Torpaq mübahisəsi qanlı dava ilə nəticələndi: Bir nəfər ağır yaralandı, şübhəli qaçdı

Niğdədə torpaq anlaşmazlığı səbəbindən baş verən dava ağır yaralanma ilə nəticələnib.

Sonxeber.az türk mediasına istinadən xəbər verir ki, hadisə Niğdə mərkəzinə bağlı Konaklı qəsəbəsinin Hüyük məhəlləsində, qəbiristanlıq yaxınlığında meydana gəlib.

İlkin məlumata görə, B.Y. ilə aralarında uzun müddətdir ədavət olduğu iddia edilən İ.B. arasında torpaq məsələsinə görə mübahisə yaranıb. Mübahisə qısa müddətdə böyüyərək davaya çevrilib və İ.B. ov tüfəngi ilə B.Y.-ni vurub. Ağır yaralanan B.Y.-yə hadisə yerinə çağırılan təcili yardım briqadası tərəfindən ilkin tibbi yardım göstərilib və o, Niğdə Ömər Halisdemir Təhsil və Araşdırma Xəstəxanasına aparılaraq müalicəyə götürülüb.

Jandarma hadisə yerində geniş təhlükəsizlik tədbirləri görüb və qaçan şübhəlinin tutulması üçün əməliyyat başlayıb. Hadisə ilə bağlı araşdırma davam edir.

Telegramda izləyin