Qız tələbə qarşıdakı oğlan yataqxanasında edilənlərə üsyan etdi!

İstanbulda yerləşən Halil İnalcık KYK Qız Tələbə Yurdunda qalan bir tələbə, qarşı binadakı oğlan tələbələrin otaqlara lazer tutduğunu bildirərək narazılığını ifadə edib.

Sonxeber.az türk mediasına istinadən xəbər verir ki, qız tələbə sosial şəbəkədə etdiyi paylaşımda, oğlan tələbə yataqxanasının qız yataqxanasının düz qarşısında yerləşdirilməsinə etiraz edib və son günlərdə yaşanan lazer hadisələrinin tələbələrdə ciddi narahatlıq yaratdığını vurğulayıb.

Tələbə paylaşımında belə yazıb: "Bu yataqxanaları kim belə qız–oğlan qarşı-qarşıya tikib? Qarşı tərəfdən otaqlarımıza lazer tutub özlərini əyləncəli zənn edirlər"

Gənc tələbənin sözləri sosial şəbəkələrdə qısa zamanda gündəm olub. Bir çox istifadəçi yataqxanaların yerləşdirmə planını tənqid edərək, təhlükəsizlik və məxfilik məsələlərində daha diqqətli addımlar atılmasının vacibliyini bildirib.

Telegramda izləyin