11-ci mərtəbədən yıxılan 15 yaşlı zehni qüsurlu oğlan həyatını itirib

Mardinin Artuklu rayonunda 11-ci mərtəbədən yıxılan 15 yaşlı zehni qüsurlu Murat Akbegü faciəvi şəkildə həyatını itirib.

Sonxeber.az türk mediasına istinadən xəbər verir ki, hadisə axşam saatlarında Artuklu rayonunun mərkəzində yerləşən Nur məhəlləsindəki bir çoxmərtəbəli binada baş verib. İddiaya görə, zehni qüsurlu Murat Akbegü binanın 11-ci mərtəbəsindəki mənzillərinin pəncərəsindən tarazlığını itirərək aşağı düşüb. Məlumat üzərinə əraziyə təcili tibbi yardım və polis əməkdaşları cəlb edilib.

Ağır yaralanan Murat, ilkin tibbi yardım göstərildikdən sonra Mardin Təhsil və Araşdırma Xəstəxanasına aparılıb. Həkimlərin bütün müdaxilələrinə baxmayaraq, onu xilas etmək mümkün olmayıb.

Meyit incələnmə üçün xəstəxananın morquna təhvil verilib.

Hadisə ilə bağlı hüquq-mühafizə orqanları tərəfindən geniş araşdırma aparılır.

Telegramda izləyin