Sərxoş sürücü alkoqol testindəki şəklini bəyənmədi: "Çirkin çıxmışam" - VİDEO

Karamanda maraqlı anların yaşandığı yol-nəqliyyat hadisəsi baş verib.

Sonxeber.az türk mediasına istinadən xəbər verir ki, hadisə axşam saat 21:00 radələrində Universitet Məhəlləsi, İbrahim Öktem Bulvarında baş verib. Məlumata görə, R.Ş.-nin idarə etdiyi elektrikli velosiped 70 DS 040 nömrə nişanlı, E.H.K.-nın sürdüyü avtomobilə arxadan çırpılıb. Toqquşma nəticəsində velosiped sürücüsü yola düşüb, avtomobilin arxa təkəri isə zədələnib.

Hadisə yerinə çağırılan təcili tibbi yardım briqadasının müayinəsini qəbul etməyən R.Ş. daha sonra polis tərəfindən alkoqol testindən keçirilib. O, alkoqol ölçmə cihazının ekranında öz fotosunu görüb "Çox çirkin çıxmışam" deyərək rahat davranışlarıyla diqqət çəkib.

R.Ş.-yə müxtəlif maddələr üzrə ümumilikdə 27 min 944 lirə cərimə tətbiq edilib və ifadəsi alınmaq üçün polis bölməsinə aparılıb.

Avtomobil sürücüsü isə hadisə zamanı yaşananları belə təsvir edib:
"Qəza ‘güm’ səsi ilə oldu, sonra ‘bum bum’. Piyadaya yol vermək üçün dayanmışdıq. Arxadan gəlib maşına çırpıldı. Arxa təkəri yardı, kaş yalnız təkər partlasaydı, daha yaxşı olardı."

Hadisə ilə bağlı araşdırma davam edir.

Telegramda izləyin