Polis əməkdaşı qaynanasını qətlə yetirdi

Kayserinin Melikgazi rayonunun Demokrasi məhəlləsində yerləşən bağ evində dəhşətli hadisə baş verib. Hadisə saat 13:00 radələrində qeydə alınıb.

Sonxeber.az türk mediasına istinadən xəbər verir ki, məlumata görə, polis əməkdaşı S.U. (35) ilə onun qaynanası M.M. (60) arasında miras üstündə mübahisə yaranıb. Qısa müddətdə böyüyən mübahisə davaya çevrilib və S.U. xidməti tapança ilə qaynanası M.M.-ni güllələyərək qətlə yetirib.

Daha sonra o, eyni silahla öz başına atəş açaraq intihara cəhd edib.

Hadisə yerinə polis və təcili tibbi yardım əməkdaşları cəlb olunub. Ağır yaralanan S.U. ilkin tibbi yardım göstərildikdən sonra xəstəxanaya çatdırılıb.

Faktla bağlı araşdırma aparılır.

Telegramda izləyin