Lisey şagirdləri arasında bıçaqlı dava: 1 yaralı var

İstanbulun Güngören rayonunda liseyə gedən iki tələbə arasında baş verən bıçaqlı davada bir nəfər xəsarət alıb. Hadisə anı ətrafdakıların mobil telefon kamerasına çəkilib.

Sonxeber.az türk mediasına istinadən xəbər verir ki, hadisə 24 noyabr, saat 15:00 radələrində Tozkoparan məhəlləsində yerləşən Güngören Peşə və Texniki Anadolu Liseyinin qarşısında qeydə alınıb. İddiaya görə, 9-cu sinif şagirdi Yağız U. ilə eyni sinif səviyyəsində oxuyan digər bir şagird arasında məktəbdə yaşanan əvvəlki mübahisə məktəb çıxışında yenidən alovlanıb.

Şagirdlər arasında başlayan mübahisə qısa müddətdə fizi̇ki qarşıdurmaya çevrilib və adı açıqlanmayan şagird Yağız U.-ya bıçaqla hücum edərək onun qolundan yaralanmasına səbəb olub. Ətrafdakıların müdaxiləsi ilə dava dayandırılıb.

Xəbərdarlıqdan sonra əraziyə polis və təcili tibbi yardım əməkdaşları cəlb edilib. Yaralı Yağız U. təcili yardım maşını ilə xəstəxanaya aparılaraq müalicəyə götürülüb. Polis hadisə yerində araşdırma aparıb və müvafiq protokol tərtib edib.

Hadisə zamanı şagirdlərin dava etməsi və Yağız U.-nun bıçaqlanması anları mobil telefon kamerasına saniyə-saniyə düşüb.

Telegramda izləyin