Velosiped yolu mübahisəsi yenidən gündəmdə: Skuter sürücüsünün uşaqlara və yaşlılara sərt reaksiyası narazılıq yaradıb - VİDEO

Türkiyədə velosiped və elektrikli skuter istifadəsinin artması ilə yol mövzusu yenidən müzakirə mövzusuna çevrilib.

Sonxeber.az türk mediasına istinadən xəbər verir ki, sosial mediada yayılan yeni bir video isə bu mübahisəni daha da alovlandırıb.

Videoda elektrikli skuter sürücüsünün velosiped yolunda gəzən, istirahət edən və ya yolu keçən vətəndaşlara — aralarında uşaqlar və yaşlıların da olduğu insanlara — sərt və yüksək səslə etiraz etdiyi görünür. Sürücünün aqressiv davranışları sosial şəbəkədə böyük reaksiyaya səbəb olub.

Hadisə anları birbaşa skuter sürücüsü tərəfindən çəkilərək sosial mediada paylaşılıb. Kadrlarda sürücünün velosiped yolundan istifadə edən piyadalara qarşı əsəbi şəkildə qışqırdığı, xəbərdarlıqları aqressiv tonda etdiyi açıq görünür.

Xüsusilə yaşlılar və kiçik uşaqlara yönəlik sərt reaksiyalar sosial mediada geniş tənqid olunub və velosiped yollarının istifadəsi ilə bağlı müzakirələri yenidən gündəmə gətirib.

Telegramda izləyin