Dənizdə kişi meyiti tapıldı - VİDEO

İstanbulun Silivri sahilində vətəndaşlar dənizin səthində bir kişi meyiti aşkar ediblər.

Sonxeber.az türk mediasına istinadən xəbər verir ki, hadisə axşam saat 22:00 radələrində Piri Mehmet Paşa məhəlləsi, Atatürk küçəsi yaxınlığında baş verib. Sahildə gəzən vətəndaşlar sudakı meyiti görərək 112 Təcili Çağrı Mərkəzinə məlumat veriblər.

Əraziyə sahil mühafizəsi, polis və təcili tibbi yardım briqadaları cəlb olunub. Aparılan işlər nəticəsində dənizdən çıxarılan meyitin üzərində şəxsiyyəti müəyyənləşdirən sənəd tapılmayıb.

Təxminən 40 yaşlarında olduğu təxmin edilən kişinin cəsədi ekspertiza üçün Ədli Tibb Qurumunun morquna göndərilib.

Hadisə ilə bağlı istintaq davam edir.

Telegramda izləyin