Ticarət mərkəzində işləyən qadınlar tualetində dəhşətli anlar yaşadı - VİDEO

Ədirnədə yerləşən Erasta ticarət mərkəzində dünən həm işçiləri, həm də bölgə sakinlərini təşvişə salan ciddi bir hadisə baş verib.

Sonxeber.az türk mediasına istinadən xəbər verir ki, ticarət mərkəzində işləyən qadınlardan biri qadınlar tualetində olduğu vaxt dəhşətli anlar yaşayıb.

İddialara görə, qadın tualet kabinəsində olarkən yanında olan kabindən bir şəxsin ayaqlarının altından mobil telefon uzadaraq görüntü çəkməyə çalışdığını görüb. Böyük təşviş yaşayan qadın dərhal qışqıraraq tualetdən çıxıb və təhlükəsizlik əməkdaşlarına müraciət edib.

Qısa müddətli arxa-arxaya qaçışdan sonra iki nəfər olduqları müəyyən edilən şəxslər hadisə yerindən qaçmağı bacarıb. Daha sonra aparılan axtarışlar nəticəsində M.Ö. (21) adlı şəxs saxlanılaraq polis bölməsinə aparılıb. Onun ifadəsi alınıb və telefonunda aparılan yoxlamalarda görüntü çəkmədiyi müəyyən edilib. Bu səbəbdən M.Ö. sərbəst buraxılıb.

Məlum olub ki, həmin ticarət mərkəzində oxşar hadisə daha əvvəl də yaşanıb. O zaman bir kişinin yenə qadınlar tualetində kabinin üst hissəsindən telefon uzadaraq görüntü almağa çalışdığı, qadınların reaksiyası nəticəsində qaçdığı bildirilib.

Telegramda izləyin