Qızıl mağazasından 170 bilərzik oğurlayan şəxs görün kim imiş! - VİDEO

Ordu-nun Fatsa rayonunda başına kaska taxaraq bir qızıl dükanını soyan şəxsin polis əməkdaşı olduğu müəyyən edilib.

Sonxeber.az türk mediasına istinadən xəbər verir ki, hadisə 25 noyabrda Reşadiye küçəsində Yılmaz Şerbetçi adlı şəxsə məxsus qızıl dükanında baş verib. Başında kask olan və daha sonra polis əməkdaşı olduğu təsdiqlənən Cumhur Yılmaz, silahla dükanın içinə daxil olub.

Özü ilə gətirdiyi çantanı işçi əməkdaşına uzadan Yılmaz, qızılların həmin çantaya yığılmasını tələb edib. Daha sonra silahı işçiyə tuşlayaraq onu yerə yatırıb, əl-ayaqlarını bağlayıb. İçərisində 170 qızıl bilərzik olan çantanı götürən Yılmaz hadisə yerindən qaçıb.

Polis qrupları araşdırma nəticəsində onun polis əməkdaşı kimi çalışdığı Diyarbakıra qaçdığını müəyyən edib. Ordu İl Polis İdarəsi və Diyarbakır İl Polis İdarəsinin koordinasiyalı əməliyyatı ilə şübhəli dünən Diyarbakırda saxlanılıb. Bu gün isə bölmədəki prosedurları tamamlanan Yılmaz Fatsa məhkəməsinə göndərilib.

Evli və bir uşaq atası olan Yılmazın qızıl bilərzikləri hadisədən iki gün əvvəl kirayələdiyi evdə gizlətdiyi də üzə çıxıb.

İstintaq davam edir.

Telegramda izləyin