Azərbaycanlı blogger canlı yayımda MMA döyüşçüsü tərəfindən döyülüb - VİDEO

Dubayda keçirilən bir canlı yayım zamanı gözlənilməz insident yaşanıb.

Sonxeber.az xarici mediaya istinadən xəbər verir ki, "Subo" ləqəbi ilə tanınan azərbaycanəsilli bloger Sübhan Məmmədov Dubayda canlı yayım zamanı döyülüb.

Bloger, Şovhal Çurçayev adlı MMA döyüşçüsü ilə uğursuz zarafat edib. O bildirib ki, Çurçayev UFC rəhbəri qarşısında diz çökərək ondan yarışlara dəvət edilməsini istəyib.

Döyüşçü bunu özünə təhqir hesab edərək, Suboya zərbələr endirməyə başlayıb.

Şiddət dolu görüntülər sosial mediada qısa müddətdə milyonlarla dəfə paylaşılaraq böyük rezonans yaradıb. Hadisə ilə bağlı hələlik rəsmi açıqlama verilmədiyi bildirilib.

Qeyd edək ki, bu ilin əvvəlində Subo Rusiya vətəndaşlığından məhrum edilib və onun ölkəyə girişi qadağan olunub.

Telegramda izləyin