Ata və oğul arasında bıçaqlı dava: Oğul ağır yaralandı - VİDEO

Türkiyənin Kayseri şəhərinin Melikgazi rayonunda ata və oğul arasında baş verən mübahisə qanlı insidentlə nəticələnib.

Sonxeber.az türk mediasına istinadənn xəbərə verir ki, hadisə Sakarya məhəlləsinin Seyranlık küçəsində yerləşən 13 mərtəbəli binanın sonuncu mərtəbəsindəki mənzildə qeydə alınıb.

C.D. adlı ata ilə oğlu K.N.D. arasında naməlum səbəbdən başlayan mübahisə qısa zamanda böyüyərək bıçaqlı davaya çevrilib. Davada həm ata, həm də oğul boğaz nahiyəsindən yaralanıb.

Hadisə barədə məlumat verildikdən sonra əraziyə polis və təcili tibbi yardım əməkdaşları cəlb olunub. Polis ətrafda təhlükəsizlik tədbirləri görüb, tibb işçiləri isə ilk tibbi müdaxilədən sonra ağır yaralanan K.N.D.-ni Kayseri Şəhər Xəstəxanasına, ata C.D.-ni isə Kayseri Dövlət Xəstəxanasına aparıb. C.D.-nin vəziyyətinin yüngül olduğu, oğlunun isə ağır yaralandığı bildirilib.

Hadisə ilə bağlı araşdırma başlanılıb.

Telegramda izləyin