"Öpüşmək, qucaqlaşmaq orucu pozmur" - Açıqlama

"Bəzi adamlar deyirlər ki, oruc ola-ola çimmək olmaz, amma olar. Peyğəmbərimiz də oruc olduğu halda çimib. Diş çəkdirməyin, iynə vurdurmağın da yolverilməz olduğunu söyləyirlər. Amma bu da yanlışdır. Diş çəkdirmək olar. İynə isə qidalandırıcı olmadığı halda orucu batil etmir".

Sonxeber.az bildirir ki, bu sözləri ölkə.az-a açıqlamasında ilahiyyatçı alim Əkrəm Həsənov səsləndirib. Ə.Həsənov bildirib ki, oruc tutan qadının bəzənməsi, hətta öpüşmək belə orucu pozmur:

"Bəzənməyin, saç qırxdırmağın oruc tutmağa aidiyyatı yoxdur. Cinsi əlaqə orucu pozur və kəffarəsi altmış gün oruc tutmaqdır. Öpüşmək, qucaqlaşmaq isə orucu pozmur, savabını azaldır. Bir oğlanla bir qız hər ikisi orucdursa və dodaq-dodağa öpüşürlərsə, bunda da problem yoxdur. O şərtlə ki, boşalma olmasın. Hətta Peyğəmbərimiz oruclu halda ən çox sevdiyi həyat yoldaşı Ayişə xanımı qucaqlayıb öpüb. Alimlər də bunu təsdiq edirlər".

Qeyd edək ki, Ə.Həsənovun son zamanlar verdiyi açıqlamlarla bir neçə qalmaqala səbəb olub.

Telegramda izləyin