Hələ 17 yaşı var, xəstəxanada həyatının şokunu yaşadı

Yeni Zelandiyanın Wellington şəhərində yaşayan LeeRay King, 14 yaşında başladığı elektron siqaret vərdişinin ağır nəticələri ilə üzləşməyə başlayıb.

Sonxeber.az türk mediasına istinadən xəbər verir ki, bir gecə sol tərəfində başlayan dözülməz ağrıya oyanan gənc nəfəs almaqda çətinlik çəkərək təcili olaraq xəstəxanaya çatdırılıb. Aparılan müayinələrdə Kingin sol ağciyərinin çökmüş, yəni ağır pnevmatik xəstəlik keçirdiyi müəyyən edilib.

Sonrakı dörd ay ərzində gənc dörd dəfə daha ağciyər çöküşü yaşayıb. Həkimlər əvvəlcə maye yığılmasının qarşısını almaq üçün ağciyər və döş divarı arasında yapışqanlıq əməliyyatı etdilər, lakin bu kifayət etmədi. Daha sonra döş divarının bir hissəsi götürüldü və son əməliyyatda ağciyərin ciddi zədələnmiş hissəsi tamamilə çıxarıldı.

Əməliyyatdan sonra həkimlər ağciyərin qara rəng almış hissəsini plastik torbada King-ə göstərdilər. 17 yaşındakı gənc, gördüyü mənzərəni "həyatımın şoku" olaraq xarakterizə etdi və bir daha "elektron siqaretə toxunmayacağını" söylədi.

Oğlunu xəstəxanaya çatdıran ana Kylee King yaşananları belə izah edib:
"Torbada gördüyümüz mənzərəni açanda ikimiz də qışqırdıq. Bu qədər zərər verə biləcəyini bilmirdik. Elektron siqaret zərərsiz göstərilir, amma gənclər fərqinə varmadan özlərini zəhərləyirlər".

Mütəxəssislər isə elektron siqaret istifadəsinin xüsusilə gənclərdə ciddi tənəffüs və dövran problemlərinə səbəb ola biləcəyini təkrar-təkrar xəbərdar edirlər.

Telegramda izləyin