Məsciddəki sədəqə qutusunu oğurlayan şəxs saxlanılıb - VİDEO

Burdurda bir məsciddəki sədəqə qutusunu oğurlayan C.S. polis tərəfindən saxlanılıb.

Sonxeber.az türk mediasına istinadən xəbər verir ki, hadisə ötən bazar günü Gazi Məscidində zöhr namazından sonra baş verib. Məscidə daxil olan şəxs ətrafa baxaraq kimsənin olmadığını görüb. Daha sonra çölə çıxan həmin şəxs əlində kisə ilə yenidən məscidə qayıdaraq masaya bərkidilmiş sədəqə qutusunu kisəyə qoyub oradan uzaqlaşıb.

İkindi namazı üçün məscidə gələn məscid işçisi Mikail Aydın sədəqə qutusunun yerində olmadığını görərək kamera görüntülərini yoxlayıb. Görüntülərdə şübhəlinin məscidə girərək vəziyyəti yoxladığı, sonra isə kisə ilə geri dönüb qutunu götürdüyü açıq şəkildə görünür.

Məlumat verildikdən sonra polis əməliyyatlara başlayıb və qısa müddətdə şübhəlinin C.S. olduğunu müəyyən edib. O, ötən bazar ertəsi saxlanılıb və ifadəsi alındıqdan sonra sərbəst buraxılıb. C.S.-nin oğurladığı 500 lirəni geri qaytarmasından sonra imam Mikail Aydın şikayətini geri çəkib.

Telegramda izləyin