Qayınata kürəkənini ürəyindən bıçaqladı - Həbs edildi

Aksarayın Paşacık məhəlləsində, 1652-ci küçədə bu gün səhər saat 10:30 radələrində dəhşət dolu anlar yaşanıb.

Sonxeber.az türk mediasına istinadən xəbər verir ki, 29 yaşlı Mahsun Tan həyat yoldaşı ilə yeni kiralyələdikləri evdə təmizlik apardığı vaxt qayınatası Mevlüt A. (52) ilə aralarında mübahisə yaranıb. Mübahisə qısa zamanda əlbəyaxa davaya çevrilib.

Dava zamanı Mevlüt A. kürəkənini ürək nahiyəsindən bıçaqlayıb. Qan içində yerə yıxılan Tan ağır yaralanıb. Hadisə ətraf sakinlərin mobil telefon kameraları ilə lentə alınıb. Xəbərdarlıq əsasında hadisə yerinə təcili tibbi yardım və polis əməkdaşları cəlb olunub.

Mahsun Tan sinəsinə batmış bıçaqla birlikdə dərhal Aksaray Təhsil və Araşdırma Xəstəxanasına çatdırılıb. Xəstəxanada onun sinəsindən 12 santimetrlik bıçaq çıxarılıb. Həkimlər Tanın vəziyyətinin ağır olduğunu bildiriblər.

Hadisədən sonra Mevlüt A. polis tərəfindən həbs edilib.

Telegramda izləyin