7 pitbullun hücumu nəticəsində baba və üç aylıq nəvəsi dəhşətli şəkildə həlak olub

ABŞ-ın Tennessee ştatında baş verən dəhşətamiz hadisədə evə girən 7 pitbull cinsi itin hücumuna məruz qalan 50 yaşlı James Alexander Smith və onun 3 aylıq nəvəsi faciəvi şəkildə həyatını itirib.

Sonxeber.az xarici mediaya istinadən xəbər verir ki, hadisə ştatın Tullahoma şəhərində qeydə alınıb. Polis əməkdaşları hadisə yerinə çatdıqda itlərin baba və körpəyə hücumu davam etdirmiş. Hücumu dayandırmaq üçün polis pitbullları atəşlə zərərsizləşdirmək məcburiyyətində qalıb. Lakin Smith və körpənin hadisə yerində öldüyü müəyyən edilib.

"Son dərəcə ağır və vəhşi mənzərə"

The Independent nəşri yazır ki, bölgə prokurorluğu hadisəni "son dərəcə çətin və vəhşi bir səhnə" kimi qiymətləndirib. Prokurorluq açıqlamasında bildirib: "Bu ağır itki zamanı həm ailəyə, həm də yaşanan travma ilə üzləşən ilk yardım qruplarına dəstək olmağınızı xahiş edirik".

Hadisə ilə bağlı aparılan araşdırmada itlərin daha əvvəl aqressiv davranış göstərib-göstərmədiyi, həmçinin Uşaq Xidmətləri İdarəsinin ailə ilə bağlı keçmişdə hər hansı müdaxilə edib-etmədiyi də araşdırılır.

Hadisənin şahidi olan qonşu Brian Kirby, küçədə qışqıran bir qadın gördüyünü, kömək etmək üçün yaxınlaşanda qadının dərhal evinə qaçdığını deyib. Bir neçə saniyə sonra polis əməkdaşlarının gələrək itləri zərərsizləşdirdiyini bildirib.

Hadisədən sonra ailə yaxınlarından Ely Cournoyer, həyatını itirən körpənin anası üçün yardım kampaniyası başladıb. O, ailənin həm əşyalarını, həm də təhlükəsizlik hissini itirdiyini, üstəlik Smith-in həyat sığortası olmadığı üçün dəfn xərclərinin də ailə tərəfindən qarşılanmalı olduğunu deyib.

Telegramda izləyin