41 il cəza alan şübhəli qapıda polisi görəndə intihara cəhd etdi - VİDEO

Edirnədə haqqında müxtəlif cinayətlərə görə 41 il 4 ay 12 gün qəti həbs cəzası olan və uzun müddətdir axtarılan A.O.-nun gizləndiyi ünvan müəyyən edilib.

Sonxeber.az türk mediasına istinadən xəbər verir ki, İl Emniyyət Müdirliyinin Asayiş və İstihbarat şöbələri tərəfindən aparılan əməliyyat zamanı polis qapıya yaxınlaşanda A.O. arxaya çəkilərək silahla intihara cəhd edib.

Polis əməkdaşları onun silahı istifadə etməsinə imkan vermədən zərərsiz hala gətirərək saxlayıb. A.O.-nu evində gizlətdiyi iddia edilən H.P. də polis tərəfindən saxlanılıb.

Ünvanda aparılan axtarış zamanı 1 silah, 1 daraq və 3 güllə aşkarlanıb. Hər iki şəxs barəsində araşdırma davam edir.

Telegramda izləyin