Oğul anasına şiddət göstərdiyi iddia olunan atasını döyüb - VİDEO

Kütahya şəhərində 22 yaşlı gənc, anasına zor tətbiq etdiyi iddia edilən atasına hücum edib.

Sonxeber.az türk mediasına istinadən xəbər verir ki, hadisə Doruk küçəsində yerləşən bir mənzildə baş verib. Məlumata görə, A.S. naməlum səbəbdən həyat yoldaşı S.S. ilə mübahisə edib, onu döyərək silahla hədələyib. Bu vaxt evdə olan 22 yaşlı oğulları A.S. isə atasını döyüb.

Məlumat əsasında mənzilə polis və təcili tibbi yardım əməkdaşları cəlb olunub. Yaralanan ata A.S. ana S.S. və oğul A.S. ilkin tibbi yardımdan sonra Kütahya Şəhər Xəstəxanasına aparılıb.

Bədənlərinin müxtəlif nahiyələrində qırıq olduğu müəyyən edilən ata və oğul müalicələri başa çatdıqdan sonra polis tərəfindən saxlanılaraq ifadələrinin alınması üçün Şəhid Mehmet Kartal Polis Mərkəzinə aparılıb.

Həyati təhlükəsi olmadığı bildirilən ana S.S.-nin müalicəsi isə davam edir. Faktla bağlı araşdırma aparılır.

Telegramda izləyin