Evinə girəndə oğru ilə üz-üzə gəldi, çətinliklə xilas oldu

İstanbulun dəhşətli oğurluq hadisəsi baş verib.

Sonxeber.az türk mediasına istinadən xəbər verir ki, evə daxil olan S.F. içəridə narıncı jilet geyinmiş, qara motosiklet dəbilqəsi taxmış və boz şalvarlı bir şəxslə qarşılaşıb.

Əlində bıçaq olduğu müəyyən edilən şübhəli, S.F.-nin qolundakı 5 qızıl bilərziyi və 1 üzüyü alaraq onu yataq otağına kilidləyib. Şübhəli evdə pul axtarmağa davam edərkən, S.F. yataq otağının pəncərəsini açaraq özünü aşağı atıb. Bundan sonra panikaya düşən şübhəli hadisə yerindən qaçıb. Yaralanan S.F. Ümraniyə Tədris və Tədqiqat Xəstəxanasına yerləşdirilib.

Gasp Büro Amirliyi tərəfindən aparılan araşdırma çərçivəsində ərazidəki bütün təhlükəsizlik kameraları S.F.-nin verdiyi təsvirə əsasən incələnib. Yüzlərlə saatlıq görüntüyə baxan polis əməkdaşları şübhəlilərin kimliyini müəyyən ediblər. Keçirilən əməliyyat nəticəsində C.Y. (46) və H.A.F. (29) saxlanılıb.

Asayiş Şöbəsində aparılan dindirilmə zamanı məlum olub ki, şübhəlilərdən H.A.F. S.F.-nin qohumudur. İstintaq zamanı müəyyən edilib ki, H.A.F. qızılların bir hissəsinin "imitasiya olduğunu" bildirərək cinayət ortağına daha az pul verib. Polis idarəsindəki prosedurlar tamamlandıqdan sonra şübhəlilər məhkəməyə çıxarılıb və barələrində həbs-qətimkan tədbiri seçilərək həbsxanaya göndərilib.

Telegramda izləyin