"9 saatdan daha çox yatanda orqanizmdə bəzi hormanların istehsalı pozulur" - Röyanə Quluzadə

Yuxusuzluq yuxuya getmənizin çətinləşməsi və ya çox erkən oyanaraq yenidən yuxuya gedə bilməməniz kimi halların ümumiləşdirildiyi bir yuxu xəstəliyidir. Təbii ki belə hallarda insan yuxudan oyandıqdan sonra özünü çox əzgin və yorğun hiss edəcəkdir. Bu çox önəmli bir problemdir. Çünki yuxusuzluq yalnız enerji səviyyənizə və əhvalınıza deyil, həmçinin sağlamlığınıza, işinizə və həyat keyfiyyətinizə də ciddi təsir edib, iş keyfiyyətinizi azalda bilər. Bəs yuxusuzluq problemini yaradan səbəblər nələrdir?

Bununla bağlı Sonxeber.az-a danışan nevroloq Röyanə Quluzadə bildirib ki, orqanizmimizdə bütün proseslər nizamlanıb və tənzimlənib:

"Yuxu tsikli də beyində tənzimlənən bir prosesdir və normal yuxu tsikli -sirkad ritm adlanır. Təbii ki, sirkad ritmin müddəti hər yaşda fərqlidir. Bu uşaqlarda daha uzundur. Böyüdükcə isə qısalır və ortalama orta yaş insanda 7-8 saat təşkil etməlidir. Bu müddətdən kənaraçıxmalar həm xəstəlik əlamətidir həm xəstəliklərə səbəb ola bilər. Belə ki 9 saatdan daha çox yatanda orqanizmdə bəzi hormanların istehsalı pozulur. Xüsusilə melatonin,kortizol,serotonin, noradrenalinin tənzimlənməsi pozulur. Nəticədə bir çox simptomlar-yorğunluq, depressiya, arterial təzyiqin düşməsi və s. əmələ gəlir".

Nevroloq uzun yuxu qan dövranınada mənfi təsir göstərdiyini qeyd edib:

"Bu da əzələlərin tonusdan düşməsinə səbəb olur. Nəticədə də bədən boşalır və bu da öz növbəsində yorğunluğun yaranmasına gətirib çıxarır".

Telegramda izləyin