Keçmiş sevgilisi ilə danışmaq üçün gəldiyi məktəbin önündə intihar edib - VİDEO

Bartının Ulus rayonunda 40 yaşlı Ayhan G. keçmiş sevgilisi ilə danışmaq üçün gəldiyi məktəbin önündə intihara cəhd edib.

Sonxeber.az türk mediasına istinadən xəbər verir ki, hadisə saat 17:00 radələrində Abdipaşa ibtidai məktəbinin qarşısında baş verib. Bir müddət əvvəl həmin məktəbdə xidmətçi işləyən keçmiş sevgilisi E.Ü.-nü ölüm ilə hədələdiyi üçün Ayhan G. haqqında məhkəmə tərəfindən uzaqlaşdırma qərarı çıxarılmışdı. Barəsində 15 müxtəlif cinayət qeydinin olduğu bildirilən şəxs axşam saatlarında yenidən məktəbə silahla gələrək E.Ü. ilə görüşmək istəyib.

Qadın "KADES" tətbiqi vasitəsilə hüquq-mühafizə orqanlarına məlumat verib. Qısa zamanda hadisə yerinə gələn jandarma məktəbin içi və ətrafında təhlükəsizlik tədbirləri görüb. Məktəbin yan küçəsində havaya 3 dəfə atəş açan Ayhan G., keçmiş sevgilisi ilə görüşmək istədiyini və intihar edəcəyini bildirib. Uzun sürən danışıqlara baxmayaraq, o, ikna edilməyib və başına dayadığı tapançanı işə salaraq özünə atəş açıb.

Ağır vəziyyətdə xəstəxanaya çatdırılan Ayhan G.-nin durumunun kritik olduğu bildirilib. Hadisə ilə bağlı araşdırma davam edir.

Telegramda izləyin