Bina komendantının həyat yoldaşını qətlə yetirən qatilin qorxu filmlərini xatırladan görüntüləri ortaya çıxdı - VİDEO

Kayserinin Melikgazi rayonunda dəhşətli qətl hadisəsi baş verib. Məlumata görə, boşanma ərəfəsində olduğu həyat yoldaşı Y.Ş.-ni öldürmək məqsədilə onun yaşadığı ünvana gedən 51 yaşlı təqaüdçü başçavuş İlhan Ş., binada qarşılaşdığı komendantın həyat yoldaşı Melek Gülü (36) bıçaqlayaraq öldürüb.

Sonxeber.az türk mediasına istinadən xəbər verir ki, iddiaya görə, psixoloji problemləri olduğu deyilən İlhan Ş. əvvəlcə ayrı yaşadığı həyat yoldaşı Y.Ş.-nin qapısını döyüb, lakin o, qapını açmayıb. Daha sonra binada qarşılaşdığı 2 uşaq anası Melek Gül ilə aralarında mübahisə düşüb və hadisə bir anda davaya çevrilib. İlhan Ş. üzərində gəzdirdiyi bıçaqla qadını ağır yaralayaraq hadisə yerindən qaçıb.

Hadisə yerinə çağırılan təcili tibbi yardım əməkdaşları Melek Gülü xəstəxanaya çatdırsa da, onun həyatını xilas etmək mümkün olmayıb. Qaçan İlhan Ş. polis tərəfindən saxlanılıb və araşdırma davam edir.

Qətl hadisəsindən sonra yeni məlumatlar da üzə çıxıb. Təqaüdçü başçavuşun aylar əvvəl də həyat yoldaşı Y.Ş.-nin qapısına gəldiyi və o anların təhlükəsizlik kamerasına düşdüyü görüntülər ortaya çıxıb. Sözgedən görüntülər dəhşətli hadisə fonunda geniş rezonans yaradıb.

Telegramda izləyin