Zibilə atmaq üçün götürdüyü kargo paketindən 60 min dollar çıxdı - VİDEO

Türkiyədə, Kocaelinin Darıca rayonunda maraqlı hadisə baş verib.

Sonxeber.az türk mediasına istinadən xəbər verir ki, market işçisi səhər təmizliyi zamanı zibilə atmaq üçün götürdüyü kargo paketinin içindən 60 min ABŞ dolları tapıb.

Hadisə Plaj Yolu küçəsində yerləşən marketdə qeydə alınıb. İ.A. adlı işçi ağacın dibində qalmış paketi götürərkən onun dolu olduğunu hiss edərək şübhələnib. O, vəziyyəti market rəhbərliyinə bildirərək paketi birlikdə açıb. İçindən böyük məbləğdə dollar çıxdığını görən işçilər dərhal Darıca Rayon Polis Şöbəsinə müraciət ediblər.

Polis əməkdaşları tərəfindən aparılan hesablama nəticəsində paketdə 60 min dollar olduğu təsdiqlənib. Pulun sahibinin müəyyən edilməsi üçün araşdırma başlanılıb.

Telegramda izləyin