Üç uşağın can verdiyi yanğında ananın harda olduğu üzə çıxıb! - VİDEO

İstanbulun Pendik rayonunda iki mərtəbəli binanın giriş mərtəbəsində yerləşən mənzildə baş verən yanğın böyük faciəyə səbəb olub.

Sonxeber.az türk mediasına istinadən xəbər verir ki, hadisə zamanı evdə olan 2 yaşlı Özden Sepetçi, 9 yaşlı Cennet Çelikkol və 5 yaşlı Zülfikar Sepetçi həyatını itirib, 11 yaşlı Muhammet Ali Çelikkol isə ağır yaralanıb. Yanğının, ana Selvi Sepetçinin qızını xəstəxanəyə apardığı vaxt baş verdiyi müəyyən edilib. Hadisə ilə bağlı İstanbul Valiliyi rəsmi açıqlama yayıb

İstanbul Valiliyinin hadisə ilə bağlı yazılı açıqlamasında deyilir:

"11.12.2025-ci il, saat 02:30 radələrində Pendik rayonunun Fevzi Çakmak məhəlləsində yerləşən bir mənzildə naməlum səbəbdən yanğın baş vermişdir. Əraziyə çox sayda yanğınsöndürmə və təcili tibbi yardım briqadası göndərilmişdir. Yanğın nəzarətə alındıqdan sonra aparılan axtarış zamanı 1 nömrəli mənzildə huşsuz vəziyyətdə 4 uşaq tapılmışdır. Onlara ilkin tibbi yardım göstərilmiş, xəstəxanalara çatdırılmışdır.

Cennet Çelikkol (2016), Zülfikar Sepetçi (2020) və Özden Sepetçi (2023) bütün tibbi müdaxilələrə baxmayaraq həyatlarını itirmişlər. 2014 təvəllüdlü Muhammet Ali Çelikkolun müalicəsi reanimasiya şöbəsində davam edir.

İlkin araşdırmaya görə, uşaqların anası Selvi Sepetçi hadisə zamanı digər övladı Ela Nur Zurnacını müalicə üçün Kartal Tədris və Araşdırma Xəstəxanasına apardığı üçün evdə olmamışdır. Yanğının dəqiq səbəbi hazırlanan rəsmi ekspertiza hesabatı ilə müəyyən ediləcək. Hadisə ilə bağlı istintaq başladılıb"

Telegramda izləyin