Limon satıcısından ağızları açıq qoyan saxtakarlıq - VİDEO

Bir bazar satıcısının limonları daha sulu göstərmək üçün istifadə etdiyi inanılmaz hiylə sosial şəbəkələrdə geniş müzakirəyə səbəb olub.

Sonxeber.az türk mediasına istinadən xəbər verir ki, hadisə, satıcının piştaxtasının önündə müşahidə edən bir vətəndaş tərəfindən mobil telefon kamerası ilə qeydə alınıb.

Görüntülərdə satıcının, müştərilərin fərq etmədiyi bir anda əlindəki limona xaricdən su doldurduğu açıq şəkildə görünür. Daha sonra isə həmin limonu sıxaraq alıcılara limonun həddindən artıq sulu olduğu təəssüratını yaratmağa çalışdığı qeyd edilib.

Kadrların sosial mediada yayılmasından sonra vətəndaşlar bu cür hiyləyə böyük etiraz edib və bazarlarda daha ciddi nəzarət mexanizmlərinin qurulmasını tələb ediblər.

Telegramda izləyin