İki qardaşın öldüyü silahlı dava üzrə ilk məhkəmə keçirilib - VİDEO

Kocaelinin İzmit rayonunda bir kafedə baş verən silahlı insident nəticəsində Hasan və Ahmet Akın qardaşlarının həyatını itirdiyi hadisə ilə bağlı cinayət işi üzrə ilk məhkəmə iclası keçirilib.

Sonxeber.az türk mediasına istinadən xəbər verir ki, Kocaeli 3-cü Ağır Cəza Məhkəməsində keçirilən prosesdə həbsdə olan şübhəlilər Furkan G. və Oğuzhan S. SEGBİS vasitəsilə iştirak etsələr də, müdafiə verməkdən imtina edərək ifadələrini növbəti iclasda məhkəmə salonunda vermək istədiklərini bildiriblər.

Hadisə 6 sentyabr 2024-cü ildə İzmit Sekaparkda yerləşən kafedə yaşanmışdı. İddiaya görə, kafenin keçmiş işçisi Hasan Akın alamadığı maaşını tələb edərkən tərəflər arasında mübahisə düşüb və bu mübahisə silahlı qarşıdurmaya çevrilib. Nəticədə Hasan Akın hadisə yerində, qardaşı Ahmet Akın isə ertəsi gün xəstəxanada həyatını itirib. İstintaq çərçivəsində 13 nəfər saxlanılıb, onlardan Furkan G. və Oğuzhan S. həbs edilib.

İddianamədə qeyd olunur ki, hadisə zamanı Hasan Akının bədənində 5, Ahmet Akının bədənində isə 3 güllə yarası aşkarlanıb. Ərazidə ümumilikdə 10 boş giliz tapılıb. Prokurorluq Furkan G.-nin hər iki qardaşı "qəsdən öldürmə" maddəsi ilə iki dəfə ömürlük həbs cəzası almasını tələb edir. Oğuzhan S. üçün isə Hasan Akını "qəsdən öldürmə" ittihamı ilə ömürlük cəza istəyir.

Məhkəmədə ifadə verən şübhəlilərdən Fahri A. hadisə yerində olmadığını, xəstəxanada olarkən yönləndirilmə ilə bir avtomobildən silah götürdüyünü, ancaq həmin silahın insidentdə istifadə edildiyini bilmədiyini deyib. Həyatını itirən qardaşların valideynləri isə bütün şübhəlilərdən şikayətçi olduqlarını bəyan ediblər.

Dosyeyə əlavə edilən yeni təhlükəsizlik kamerası görüntüləri hadisənin dəhşətini bir daha ortaya qoyub. Kadrlarda Furkan G. ilə Ahmet Akın arasında yaşanan itişmə zamanı digər şübhəli Oğuzhan S.-nin atəş açdığı, Hasan Akının iki atəş arasında qaldığı, Ahmet Akının isə arxası dönük halda vurulduğu görünür.

Məhkəmə heyəti həbsdə olan şübhəlilərin vəziyyətinin davamına qərar verərək iclası təxirə salıb.

Telegramda izləyin