Sirr dolu ölüm: Üç nəfər mindikləri maşından iki nəfər çıxdılar

Türkiyənin Manisa vilayətinin Kırkağaç rayonunda dostları ilə birlikdə spirtli içki qəbul etdikdən sonra avtomobildə yatan 30 yaşlı şəxs ölü halda tapılıb.

Sonxeber.az türk mediasına istinadən xəbər verir ki, Kırkağaçda fermerliklə məşğul olan Cengiz Akman dünən dostları Şabettin A. və Tufan G. ilə Şair Eşref məhəlləsindəki Sənaye zonasına gedərək avtomobilin içində oturub söhbət edib və spirtli içki qəbul edib. Gecənin sonunda üç dost evlərinə qayıtmayaraq avtomobildə yatıblar.

İddialara əsasən, səhər saatlarında Şabettin A. və Tufan G. Cengiz Akmanın hərəkətsiz olduğunu və bütün cəhdlərə baxmayaraq oyanmadığını görüb onu Kırkağaç Dövlət Xəstəxanasına aparıblar. Həkimlərin müayinəsi zamanı Akmanın həyatını itirdiyi müəyyən edilib. Meyit üzərində hər hansı zorakılıq və ya yara izi aşkar olunmadığından ölüm faktı şübhəli hesab edilib.

Cengiz Akmanın cansız bədəni yarılma aparılması üçün İzmir Məhkəmə-Tibbi Ekspertiza Qurumunun morquna göndərilib. Hadisə ilə bağlı avtomobildə baxış keçirən polis əməkdaşları Şabettin A. və Tufan G.-ni saxlayıb.

Faktla bağlı araşdırma davam etdirilir.

Telegramda izləyin