Evlilik ildönümündə ərinə aldığı hədiyyə böyük mübahisə yaratdı - VİDEO

Evlilik ildönümü münasibətilə ərinə qeyri-adi hədiyyə alan bir qadın sosial mediada geniş müzakirələrə səbəb olub.

Sonxeber.az türk mediasına istinadən xəbər verir ki, qadın Taylandlı masajçılardan ibarət bir komandadan tibbi masaj xidməti satın alaraq bunu ərinə hədiyyə edib. O, hədiyyə ilə bağlı görüntüləri şəxsi sosial media hesabında paylaşaraq, "Qızlar o qədər peşəkardır ki, ərim hədiyyəmi çox bəyəndi" qeydini əlavə edib.

Paylaşım qısa zamanda geniş auditoriyaya çatıb və istifadəçilər arasında mübahisə yaradıb. Videoya çoxsaylı tənqidi şərhlər yazılıb, bəzi izləyicilər hədiyyəni yersiz və həddindən artıq hesab edib.

Paylaşımın altına "Sonra da deyirlər ki, məni aldatdılar", "Ən yaxşısı mən mağarama qayıdım ", "Görəsən, mən həddindən artıq qısqancam?" , "Söz tapmıram" və "Sənin də niyyətindən şübhələndim" kimi şərhlər yazılıb. Digər tərəfdən, bəzi istifadəçilər isə hədiyyə seçiminin şəxsi məsələ olduğunu və hər kəsin öz münasibət çərçivəsində qərar verdiyini bildirib.

Müzakirələr sosial mediada davam edərkən, paylaşım fərqli baxış bucaqlarını bir araya gətirərək gündəmdə qalmaqda davam edir.

Telegramda izləyin