Pekində muzeydə insident: 2 kiloqramlıq qızıl tac zədələndi, ziyan 90 min manata yaxın - VİDEO

Çinin paytaxtı Pekində yerləşən muzeylərdən birində xoşagəlməz hadisə baş verib.

Sonxeber.az xarici mediaya istinadən xəbər verir ki, təxminən 2 kiloqram saf qızıldan hazırlanmış xüsusi bir tac uşağın vitrininə toxunması nəticəsində yerə düşüb.

Məlumata görə, yerə düşən qızıl tac gözəllik fenomeni Zhang Kaiyinin toyunda taxılması üçün xüsusi sifarişlə hazırlanıb və daha sonra sərgi məqsədilə muzeydə nümayiş etdirilirdi. Hadisə zamanı tac ciddi zədələnib.

Rəsmi açıqlamada bildirilib ki, insident nəticəsində eksponata dəyən ziyanın məbləği 42 min funt sterlinq (təqribən 90 min manat) təşkil edir. Hadisə ilə bağlı araşdırma aparıldığı, muzeydə təhlükəsizlik tədbirlərinin yenidən nəzərdən keçirildiyi qeyd olunub.

Telegramda izləyin