Boşanmaq üzrə olduğu həyat yoldaşına cəhənnəm yaşatdı - VİDEO

İstanbulun Kağıthane rayonunda boşanma mərhələsində olduğu həyat yoldaşı tərəfindən bir qadına küçənin ortasında fiziki və silahlı hücum edilib.

Sonxeber.az türk mediasına istinadən xəbər verir ki, hadisə 13 dekabr, şənbə günü saat 14:00 radələrində Çağlayan məhəlləsində baş verib. Əldə olunan məlumata görə, Yağmur S.E. şiddətli uyğunsuzluq səbəbilə həyat yoldaşı Bilal E. barəsində boşanma iddiası qaldırıb və məhkəmədən uzaqlaşdırma qərarı aldırıb. Bundan sonra ailəsinin yanına köçən qadın, uşaqlarını ataları ilə görüşdürmək üçün onun yaşadığı evə aparıb.

Uşaqlar evə daxil olduqdan sonra çölə çıxan Yağmur S.E.-nin arxasınca gələn Bilal E. onunla danışmaq istədiyini bildirib. Qadının bunu rədd etməsinə baxmayaraq, Bilal E. israrını davam etdirib və bir müddət küçədə gözləyib.

Daha sonra Bilal E. qadını avtomobilin arxa hissəsinə sıxışdıraraq döyməyə başlayıb. Vətəndaşların gözü önündə qadına təpik və yumruqlarla hücum edən şübhəli, eyni zamanda onu təhqir edib. Qadının ağlayaraq kömək istədiyi anlarda ətrafdakıların müdaxilə etməsi üzərinə Bilal E. üzərindəki silahı çıxarıb.

Şübhəli şəxs silahı qadının başına dayayaraq onu və ətrafdakı vətəndaşları hədələyib. Ardınca qaçaraq küçədən uzaqlaşan Bilal E. bir müddət sonra gözdən itib. Qadının "Kömək edin, polis çağırın" deyə fəryad etdiyi anlar təhlükəsizlik kameralarına saniyə-saniyə əks olunub.

Hadisədən sonra Yağmur S.E. polisə müraciət edərək həyat yoldaşından şikayətçi olub. Bunun üzərinə polis əməkdaşları əməliyyat-axtarış tədbirlərinə başlayıb. Aparılan işlər nəticəsində Bilal E. hadisədə istifadə etdiyi silahla birlikdə saxlanılıb.

Sxlanılan şübhəli şəxs ifadəsi alındıqdan sonra məhkəməyə göndərilib. Bilal E. barəsində "qəsdən xəsarət yetirmə", "odlu silahlar haqqında qanuna zidd hərəkət", "təhdid və təhqir" maddələri ilə həbs qətimkan tədbiri seçilib.

Telegramda izləyin