Bir kişi yol kənarında ölü tapılıb - VİDEO

Biləcikdə Suriya vətəndaşı olan bir kişi yol kənarında ölü vəziyyətdə aşkar edilib.

Sonxeber.az türk mediasına istinadən xəbər verir ki, hadisə ilə bağlı əldə olunan məlumata görə, saat 20:30 radələrində Ertuğrulgazi məhəlləsində, Kent Ormanı Özgen Villaları yolunda yerdə hərəkətsiz uzanan bir şəxsi görən vətəndaşlar dərhal 112 Təcili Yardım xidmətinə məlumat veriblər. Çağırış üzərinə əraziyə polis və təcili tibbi yardım briqadaları göndərilib.

Hadisə yerində aparılan ilkin baxış zamanı şəxsin Suriya vətəndaşı M.E.H. olduğu və həyatını itirdiyi müəyyən edilib. Müayinə zamanı onun qarın nahiyəsində kəsici alət xəsarəti aşkarlanıb.

Şəxsin meyiti dəqiq ölüm səbəbinin müəyyənləşdirilməsi üçün morqa təhvil verilib. Biləcik İl Polis İdarəsi tərəfindən hadisə ilə bağlı şübhəli şəxs və ya şəxslərin müəyyən edilməsi istiqamətində araşdırmaların davam etdiyi bildirilib.

Telegramda izləyin