19 yaşlı gənc qadın 3 ildir evli olduğu şəxs tərəfindən qətlə yetirildi

Türkiyənin paytaxtı Ankarada 19 yaşlı Sevgi Özdemir 3 ildir evli olduğu həyat yoldaşı tərəfindən qətlə yetirilib. Hadisə Altındağ rayonunda cütlüyün yaşadığı evdə baş verib.

Sonxeber.az türk mediasına istinadən xəbər verir ki, məlumata görə, 28 yaşlı Yasin Özdemir bir müddətdir şiddətli keçimsizlik yaşadığı həyat yoldaşı Sevgi Özdemir ilə mübahisə edib. Mübahisə zamanı Yasin Özdemir gənc qadını bıçaqlayaraq hadisə yerindən qaçıb. Qonşuların məlumatı əsasında ünvana polis və təcili tibbi yardım əməkdaşları cəlb olunub.

Tibb işçilərinin apardığı müayinələr nəticəsində Sevgi Özdemirin hadisə yerində həyatını itirdiyi müəyyən edilib. Polis əməkdaşları tərəfindən saxlanılan Yasin Özdemir polis bölməsindəki ilkin ifadəsindən sonra məhkəməyə çıxarılıb. O, "qadına qarşı qəsdən adam öldürmə" maddəsi ilə həbs edilib.

Qətlə yetirilən Sevgi Özdemirin anası Neriman Kaya şübhəlinin ən ağır cəzanı almasını istədiklərini bildirib. O, eyni zamanda nəvələrinin qəyyumluğunu almaq üçün hüquqi mübarizə aparacaqlarını da qeyd edib.

Faktla bağlı araşdırma davam etdirilir.

Telegramda izləyin