Dünyanın ən ölümcül dəniz canlılarından birinə toxunan turist təhlükəni sonra başa düşdü - VİDEO

Filippində tətil edən britaniyalı turist dayaz sularda qarşılaşdığı və zərərsiz sandığı bir dəniz canlısına toxunaraq böyük təhlükə ilə üzləşib. Mütəxəssislər bildirirlər ki, sözügedən canlı - mavi halqalılı ahtapot - siyanürdən təxminən 1 000 dəfə daha güclü zəhərə malikdir.

Sonxeber.az türk mediasına istinadən xəbər verir ki, turist McConnell-in Instagram-da paylaşdığı videoda, Filippinin dayaz sularında tapdığı kiçik ahtapotu əlində tutaraq nümayiş etdirdiyi görünür. O, canlıyı "gözəl" və "zərərsiz" adlandırsa da, izləyicilər və dəniz canlıları üzrə ekspertlər qısa zamanda bunun son dərəcə zəhərli mavi halqalılı ahtapot olduğunu müəyyən ediblər.

Mavi halqalılı ahtapotların zəhəri tetrodotoksin (TTX) adlanır və bu nörotoksin insanın sinir sistemini iflic edərək nəfəs çatışmazlığı yarada bilər. Elmi məlumatlara görə, bu zəhər siyanürdən təxminən min dəfə daha güclüdür və vaxtında müdaxilə olunmazsa, saniyələr içində ölümcül təsir göstərə bilər.

Videonun sosial şəbəkələrdə sürətlə yayılması nəticəsində izləyicilər və mütəxəssislər turistin təhlükənin fərqində olmadığını qeyd ediblər. McConnell daha sonra paylaşımında bu təcrübəni "ölümlə burun-buruna gəlmək" kimi qiymətləndirib və bunun özü üçün ciddi xəbərdarlıq olduğunu vurğulayıb.

Telegramda izləyin