Odunun içindən çıxan ağac qurdunu yedi - VİDEO

Adətən Uzaq Şərq ölkələrinə xas olan həşərat yemə mədəniyyətini xatırladan görüntülər bu dəfə Qara dəniz bölgəsində qeydə alınıb.

Sonxeber.az türk mediasına istinadən xəbər verir ki, qışa hazırlıq məqsədilə odun doğrayan bir vətəndaş, odunun içindən çıxan ağac qurdunu tərəddüd etmədən yeyib. Həmin anlar onun yanında olan bacısı oğlunun mobil telefon kamerası ilə lentə alınıb.

Görüntülərdə vətəndaşın ağac qurdunu yedikdən sonra həşəratların qida dəyərinə diqqət çəkdiyi görünür. Ağac qurdlarının yüksək protein tərkibli olduğunu deyən şəxs, "Bunların protein dəyəri çox yüksəkdir. Bunlardan 10 dənə yesən, gündəlik kalori ehtiyacını ödəyir" sözlərini işlədib.

Sosial şəbəkələrdə yayılan video qısa müddətdə böyük maraq doğurub və istifadəçilər arasında həm təəccüb, həm də müzakirələrə səbəb olub.

Telegramda izləyin