Metroda intihar cəhdi - VİDEO

İstanbulda M2 Yenikapı-Hacıosman metro xəttində səhər saatlarında intihar cəhdi qeydə alınıb.

Sonxeber.az türk mediasına istinadən xəbər verir ki, hadisə Şişhane stansiyasında baş verib.

Məlumata görə, bir kişi Şişhane stansiyasında intihar etməyə cəhd göstərib. Bu səbəbdən stansiya müvəqqəti olaraq istismara bağlanıb. Hadisə yerinə çoxsaylı xilasedici və təcili tibbi yardım briqadaları cəlb olunub.

Metro İstanbul tərəfindən yayımlanan rəsmi açıqlamada bildirilib ki, Şişhane stansiyasında sərnişinlərdən birinin intihar cəhdi səbəbilə stansiya fəaliyyətini dayandırıb.

Açıqlamada qeyd olunub:

"M2 Yenikapı-Hacıosman Metro Xəttinin Şişhane stansiyasında bir sərnişinin intihar cəhdi səbəbindən stansiya istismara bağlanıb. Qatarlar Şişhane stansiyasında dayanmadan hərəkətini davam etdirəcək."

Hadisə ilə bağlı araşdırma aparılır.

Telegramda izləyin