Səkidə uzanaraq qışqıran qadın polisi görəndə qaçmağa cəhd etdi - VIDEO

Türkiyənin Aksaray şəhərində səkidə uzanaraq uzun müddət qışqıran və ətrafdakı vətəndaşların kömək cəhdlərini rədd edən gənc qadın, hadisə yerinə gələn polis əməkdaşlarını gördükdə qaçmağa çalışıb.

Sonxeber.az türk mediasına istinadən xəbər verir ki, hadisə Coğlaki məhəlləsində, Kılıçaslan Parkının giriş hissəsində baş verib.

Əldə olunan məlumata görə, park girişində qadın qışqırıqları eşidən sakinlər vəziyyəti 112 Təcili Zəng Mərkəzinə bildiriblər. Dərhal əraziyə polis və təcili tibbi yardım briqadaları cəlb olunub.

Səkidə uzanan Döndü A. (23) adlı gənc qadın qışqırmağa davam edərkən, onu görən bəzi vətəndaşlar kömək etmək istəyib. Lakin qadın edilən yardımlara reaksiya verməyib və bir müddət daha yerdə qışqırıb.

Bir qədər sonra hadisə yerinə gələn polis əməkdaşlarını görən gənc qadın ayağa qalxaraq göstərilən yardımı qəbul etməyib və qaçmaq istəyib. Polis əməkdaşları qadının arxasınca gedərək onu uzun müddət sakitləşdirməyə çalışıblar.

Polisin səyləri nəticəsində zorla sakitləşdirilən qadın daha sonra polis avtomobilinə mindirilərək evinə aparılıb. Hadisə ilə bağlı araşdırma aparılır.

Telegramda izləyin